नाही हिंदू गं मारला,नाही मुस्लिम मारला
माणुस मारला, माझा माणुस मारला
माझा हुसेन मारला, माझा किसन मारला
माणुस मारला, माझा माणुस मारला...।।
आमचं काळीज पारवा,जसा उबदार गारवा
आमच्या चाऱ्याच्या चोचीत बाँब भुकचा पेरला...।।
आले जुलुस झेंड्याचे,आले कळप गेंड्याचे
त्यांनी माणसातला माणुस ठेचून ठेचून मारला...।।
त्यांची हत्यारं रक्ताची,फौज बांधली भक्तांची
त्यांनी सिंहासनापुढं खऱ्या देवाला कापला...।।
त्यांच्या सभांना ही गर्दी गोष्टी ऐके भूका दर्दी
केलं खऱ्याचं ग खोटं त्याचा मेंदू फिरवला...।।
धर्म ठेवा की घरात,का ही काढली वरात
खरा धरम घामाचा, त्याचा इतिहास जागवा
माणुस जागवा, माझा माणुस जागवा....।।
----- संभाजी भगत.
सध्या जगाची समस्या हि आहे कि शहाणे गोंधळलेले आहेत आणि मूर्ख आपल्या मतावर भलतेच ठाम आहेत :- रसेल
No comments:
Post a Comment